28 ססר לוקזנװו װאם דער לעמבערגער ראש ישיבה ״ר׳ יהושע וואלק (באקאנט אלס ״פני יהושע׳) האט מסדר געווען און דער מהר״ם האט געפסקלט. איז דער ב״ח געשטאנען אויף דער זײט פונעם ״פני יהושע״ צוזאמען מיט דער מערהײט רבנים. דער ב״ח האט דעמאלט געװאגט שטארק אנצוגרײפן דעם גרויסן מהר״ם, װעלכער איז אויך געװען פיל עלטער פון אים. הרב יעקב מיר װײסן נישט גענוי װער ער איז געװען, אבער שוין דער פאקט, װאם ער איז געװען א מחותן פון דעם מהר״ם מלובלין, באװײזט, אז ער איז געװען פון די חשובע און אנגעזעענע רבנים און פון א חשובער משפחה. אויך װײסן מיר פון א שאלה, װאם ער און זײן בית דין האט געשיקט צום מהר״ם, אז ער איז געװען רב אין לוקאװ. אין דער דאזיקער תשובה זעען מיר, אז דער מהר״ם האט אים שטארק מכבד געװען. ער איז נפטר געװארן אין שם״ט (1609). דער מהר״ם לײגט אויף זײן נאמען יעקב און לוקאװ שרײבט ער לוקאװ. ווידער א מאל פעלט די דאטע. װי עס שײנט אבער, האבן די צװײ רבנים זיך געמוזט משדך זײן א םך פריער. װארעם שם״ט איז מהר״ם געװען אין קראקע. ם׳איז מעגלעך, אז די משפחה־פארבינדונג צװישן די צװײ רבנים איז פארגעקומען, װען דער מהר״ם איז געװען אין לובלין אין די יארן 1587—1585.