ב. רעסלער כלי קודש אין סקאלע רבנים 3 י שטאקיין ספק, אז די קהילה קדושה סקאלע האט געהאט רבנים, דיינים, מורי־הוראה פון לכתחילה אן, באלד פון אויפקום פון יידישן ישוב אין שטאט. מן הסתם זענען די נעמען פון יענע כלי קודש, זייערע פירונגען און טואונגען אין יענע ווייט־פארגאנגענע, פארנעפלטע צייטן, געווען פארצייכנט אין פנקסים. אבער, צום גרויסן באדויער און ווייטאג, זענען די פנקסים אומגעקומען, אינאיינעם מיט די סקאלער יידן, וואס די נאצישע רוצחים האבן אומגעבראכט. לעבעדיק, אין זכרון, זענען אבער געבליבן די צודיקע רבנישע משפחות פון סקאלע, וואס האבן פארנומען רבנות־שטולן אין שטאט: די משפחות דרימער און לאופער. וויאזוי און פארוואס סקאלע האט געהאט צוויי רבנים־סיי פון וויזשניצער סיי פון טשארטקאווער חסידישן צד־ווערט דזנרציילט אין די ארטיקלען פון בנציץ פידערער און יבל״א גדליה ולאכמאן. די עלטסטע און די מער־פארצווייגטע פון די צוויי איז געווען די משפחה־דרימער. זי איז מפורסם געווארן אין דער גאנצער געגענט, און אין אסך גאליצישע שטעט, דורך ר׳ שלמה דרימער, א גרויסער גאון אץ פוסק, מחבר פץ ספר "בית שלמה". הרב ר׳ שלמה דרימער איז טאקע גערופן געווארן אויפ׳ן נאמען פון זיין ספר "בית שלמה".