גלייך באפרייט די 4 איבעריקע, דוקא יונגע בחורים, נאר פון ארעמסטן שטאנד נישט באפרייענדיק קיינעם פאר געלט. אט זענען זייערע נעמען: 1. יעקב שניידערמאן, א זון פון וועלוויל באסערער וואס האט געהאט א פאראליזירטע מוטער. 2. בנימין שטאק, אברהם שטאק׳ס א זון ־ וואס פלעגט זיך אפט פארדינגען צו ארבעט, כדי צו העלפן דער משפחה. 3. העניך גילעם, אן א פאטער. 4. דוד קלאפער, א פליכטלינג־יינגל אן א משפחה. מאנטיק אינדערפרי זענען אלע ארויס אויף די שדן־ווארטנדיקע פורן און אין דער באגלייטונג פון אליעזר פיש, זיך געלאזט אין וועג ארץ קיין טשארטקאוו. די קולות און יללות פון די עלטערן און אנדערע בני משפחה האבן געשניטן דעם הארץ. עס האבן נישט געהאלפן קיין טרייטט־ווערטער פון די יודנראט־מענטשן, אז אליעזר פיש וועט זיכער ווייטן זייער ווייטערדיקן גורל. קומענדיק קיין טשארטקאוו, האבן זיי שוין געטראפן געבראכטע טראנספארטן פונם גאנצן קרייז. א היפשער צאל פון אונדזערע מענטשן (22) איז דאן געלונגען צו אנטלויפן, און די איבעריקע 28 זענען מיטן גאנצן טראנספארט אפגעשיקט געווארן קיין בארקי־וויעלקיע. דא זענען זייערע נעמען: מענדל פייערשטיין (פון גושטין)