Isaiah of Sosnowiec

... ן דזשוינט א וועד הצלה, א כשר׳ע קיך, וווּ יערע האנט באקומען אומזיסט כשר׳ע עסן. דער דאזיקער פלאץ איז אויך פארוואנדלט געווארן אין א באבודיק צוזאמענטרעף־ארט פאר אלע איינזאמע דערוואקסענע יתומים. עס איז איינגעארדנט געווארן א לעזע־זאל, ביבליאטעק, די שבת׳דיגע סעודות זענען געפראוועט געווארן געמיעזאם, פאמיליאר, אינטים, מיט זמירות און שמועסן וועגן פרשת השבוע. לאנגזאם האבן זיך די דאזיקע אומגליקלעכע דערמאנט אין זייערע אמאליקע היימען, און זיי האבן אנגעהויבן טראכטן מיט נארמאלע מענטשלעכע און יידישע קאטעגאריעס. מיר האבן אנגעהויבן אויסלייזן יידישע קינדער וועלכע טאטע־מאמע האבן פאר זייער אומקומען געוואלט ראטעווען, איבערגעבענדיק זיי צו באקאנטע קריטטן. מיט דער הילף פון הרב אברהם ענגלא רד שליט״א, דער זון פון סאסנאוויצער רב ר׳ ישעיהו הי״ד, האבן מיר ווידער אויפגעבויט די בענדינער מקוה, וועלכע האט זיך אויטגעצייכנט מיט אירע היגיעגישע און עסטעטישע איינריכטונגען. מיר האבן איינגעארדנט א ביורא מיט טפעציעלע באאמטע, וועמענס אויפגאבע ס׳איז געווען צו זארגן און צו העלפן אין אלע הינזיכטן די וועלכע האבן זיך נאר גענויטיקט אין הילף. ר׳ יצחק פאראסול (היינט אין ירושלים) האט איבערגענומען די אויפגאבע פון סידור חופה און קידושין. מיר האבן זיך געווענדעט צו די שוין־עקזיסטירנדיקע יידישע רעליגיעזע קהלות אין לאדזש, קראקא, ווארשא, און פארגעשלאגן צו שאפן א שותפותדיקע ביורא פארן אויפנעמען גביית־עדות וועגן אומגעקומענע, פון די לעבענגעבליבענע אין קאנצענטראציע לאגערן און צוריקקערענדיקע פון רוסלאנד, וויסנדיק אז די אלע וועלן זיך ווידער ארויסלאזן וואגערן איבער דער וועלט און טויזנטער פרויען וועלן בלייבן עגונות.