Yitzhak Abgdor Telekhansky

... אין דער מתנגדישער דראהיטשין געװען א קלײנע צאל קאברינער חסידים, װעלכע האבן אפילו נישט געהאט קײן אײגענעם פלאץ צו דאװנען. פלעגן זײ זיך צוזאמענקומען אין פריװאטע הײזער און דאװנען דארט נאר שבת און ױם טוב. מײן פאטער, דעם חסיד, איז דאס אומ־ װאנדערן פון הױז צו הױז ניט געפעלן געװארן און ער האט זיך אנטשלאסן צו בויען א שטענדיקן פלאץ פאר די חםידים, א חסידיש־שטיבל צום דאװנען א גאנצע װאך, און דארט זאל אויך זײן א פלאץ פאר דעם קאברינער רבין, װען ער קומט קײן דראהיטשי אויף שבת פרשה ״חײ שרה״. זײענדיק פון דער נאטור אן ענערגישער מאן, האט מײן פאטער אן װײ־ טערדיקע שהױת אנגעהויכן צו פארװירקלעכן זײן פלאן. ער האט זיך באראט מיט ר׳ בנימי ז משה׳ן דעם שוחט, ר׳ שמעון נאהוריער, ר׳ אברהמ׳ל דעם םטאליער, ר׳ לײזער אדלער, ר׳ יצחק אבגדור טעלעכאנסקי, ר׳ יעקוב אײזענבערג (דובאװײער), ר׳ יצחק בנימין קופער, ר׳ אריה ליב גינגאלד און יאסל יצחק אבראמאװיטש פון װאגזאל — אלע קאברינער חסידים — און גלײך איז געקויפט געװארן א פלאץ אין א געסל לעבן אלטן בית המדרש, אויפן וועג צום אלטן בית־ הקברות.