Yitskhak Pesakhzon

... א וואל־קאמף איז פארגעקומען בלויז צווישן די פראלעטארישע פארטייען: "פועלי־ציון" ׳ "בונד " און ס״ד . אדורכגעפירט האבן די פ״צ 3 ראט־מענער : י . ל . פיינער , הערשל שטאטלער און הענריק וואלף און דער "בונד " יצחק פסחזאן .

... אין דער פערזאן פון יצחק פסחזאן, איינער פון די פעיקסטע און שטארקסטע פערזענלעכקייטן אין אונזער שטאט. פסחזאן האט זיך קונה שם געווארן מיט זיינע מוטיקע ארויסטרעטונגען און גלענצענד צוגעטראכטע פארשלאגן אויפן פארום פון שטאט־ראט לטובת דער שטאטישער ווירטשאפט.

... אין דער ריכטונג פון אויסברייטערן די קאמפעטענצן פון דער קהלה, האט זיך פאר דער צייט דער טעטיקייטס־געביט שטארק פאר־ שמעלערט. אזוי צב״ש זענען ביי דער קהלה צוגענומען געווארן די מעלדונגם־ביכער, וואס זענען געפירט געווארן פונם יאר 1921, די גמינע האט פארלוירן די רעכט ארויסצוגעבן אידענטישקייט־צייגענישן פאר דעם פאסט־אמט, אדג״ל. גורם געווען דערצו האבן קודם כל די אינערלעכ ע פארטיי־שטרייטיקייטן, און אלס רעזולטאט דערפון האט זיך פארהעלטנישמעסיק אפט געטוישט די קהלה־לייטונג: ד״ר וויינציהער האט רעזיגנירט פון זיין אמט, אלס פארזיצער אין יאר 1925, דער געוויילטער אויף זיין ארט אין יאר 1926 ש. פירסטענבערג האט, צוליב די זעלבע סיבות, געמוזט רעזיגנירן אין יאר 1927. צוזאמען מיטן פרעזעס פירסטענבערג איז אוועק פון פאסטן דער לאנגיעריקער קהלה־סעקרעטאר יצחק פסחזאן, וועלכער האט מער נישט געקענט פארטראגן די אטמאספערע, וואס עס האט זי געשאפן אין און ארום דער קהלה. די לייטונג האט דען איבערגענומען דער וויצע־פארזיצער מרדכי יוסף פראווער און אלס סעקרעטאר איז באשטימט געווארן ישראל פרייליך. אין יאר 1930 איז געוויילט געווארן אלס פארזיצער אברהם ליווער, וועלכער האט שוין, אונטערן דרוק פון זיין פארטיי (אגודה), געמוזט פארנעמען דעם פארזיץ־אמט ביזן סוף פון דער קאדענץ.