Kazhan-Horodok

בערך אנהויב פון 19-טן יארהונדערט איז אין שטעטל דאוויד-האראדאק, נעבן פינסק., און נאך נענטער צו סטאלין, געגרינדעט געווארן א זעלבסטשטענדיקע חסידישע דינאסטיע. אירע אנהיינגער זענען אין דער סביבה פון פינסק געווען באקאנט מיט דעם נאמען ,האראדאקער חסידים" (צו אונטערשיידן פון ר' מנחם מענדל וויטעבסקער, וועלכער האט אויך געטראגן דעמזעלבן נאמען). דאס איז געווען דער קלענסטער צווייג פון די חסידישע דינאסטיעס אויף פאלעסיע און האט געהאט זיינע חסידים אין דעם איינגן קרייז : דאוויד"האראדאק -- לאכווע -- לונינעץ -- פינסק, קאז'אנהאראדאק. גענוי ווי די לעבעשייער חסידים האבן געפונען זייער ארט מערבדיק פון פינסק, צווישן פינסק און קאברין, איז די קליין גרופע פון האראדאקער חסידים געווען מזרחדיקער פון פינסק, צווישן פינסק און לאכווע. דער גרינדער פון דער דינאסטיע איז געווען ר' וואלף, געשמט ביי די חסידים מיט דעם נאמען: ר' וואלפצ'י (גינזבורג), א זון פון צדיק ר' שמואל הלוי פון קאשיווקע (א שטעטל אין וואלין, ניט ווייט פון באקאנטן חסידישן צענטער נעסוויזש) (368). ר' שמואל איז געווען א נאענטער חבר פון באקאנטן צדיק פון וואלין ר' מרדכי פון נעסוויזש. (369) ווי עס איז צו זען פון א בריוו צו אים פון ר' אשר פון סטאלין (370) און וועלכער שטאמט פון ערשטן פערטל פון 19-טן יארהונדערט (צווישן תקס"ב/1802 און אנהויב תקפ"ז/1826) זענען די ביידע צדיקים געווען אין פריינדליכע באציונגען און געווען מחותנים. אויף וועלכען אופן האט ר' וואלף געגרינדעט א זעלבסטשטענדיקע דינאסטיע אין צענטער פון ,קארלינער געביט" פעלן פרטים. דער איינציקער חסידישער מקור וועלכער דערמאנט ...