Railway station

עס איז געװען א שײנער זוניקער טאג. די באן האט זיך אפגעשטעלט. אויסשטייגנדיק פון װאגאן. באגעגן איך צװיי כמיעלניקער ײדן. זײ פארן אויך קיץ לאדזש. אײנער דער געלער אהרון, געװוינט אויף דער ״מריצע״ הינטערן נײעם בית־עלמין, א ײד מיט א גרויםער לאנגער געלער בארד, געהאנדלט מיט פולקאשקעם, װאס פויערים פלעגן קויפן בעת די ירידים. צװייטער ייד, משהל נוח׳ם, א שניט־סוחר. זײן שניט־קראם איז געװען אין מארק, א פארמעגלעכעד א גערער חסיד געװען. משה׳ל נוח׳ם איז געװען א ײד מיט א גאר קלײן געל בערדל, װאס האט זיך בכלל װײניק געװארפן אין די אויגן• פאר יענער געפערלעכער צײט איז דאס געװען א מעלה. דער װאקזאל איז געװען פול מיט מענטשן. ס׳איז געװען גענוג צײט, האבן פאסאזשירן שפאצירט הין און צוריק. מיט א מאל באמערק איך װי ס׳דערגענטערן זיך עטלעכע ״האלערטשיקעס״, און אין א װײלע ארום איז דער געלער אהרן שוין ארומגערינגלט. די ״האלערטשיקעס״ טרײבן שפאם, הוזקן און שפאטן אפ פון דעם ״זשיד״, שלײדערן אים פון אײגעם צום צװייטן, שפילן זיך מיט אים װי מיט א מויז. דער ײד צאפלט, װיל זיך ארויםרײםן פון דעם געפערלעכן שפיל. אײנער פון די סאלדאטן׳ פול מיט רציחה, פאלט צו אין שרײט ״זשיד פארך, װאס טוםטו דא אויף דער פוילישער ערד י — דא פאלעסטיני !״. כאפט אים אן בײ דער גרויסער בארד, פליקט און רייםט פון אים װי א װילדע חיה. ם׳בלוט

... די עסטרײכישע אקופאציע־מאכט פון ערשטן קריג האט ארײנגעבראכט אין שטעטל די ערשטע מאטאריזאציע דורך אויפשטעלן א באן־םטאציע דורך װעלכער עס איז פארבײ־ געפארן א צוג פון יענדזשעיאװ ביז סטאשעװ דורך סענדזשע־ װיץ און כמיעלניק. דער פײף פון דער אדורכפארנדיקער. ״קאלעיקע״ האט יעדן טאג דערמאנט דאם שטעטל װי שפעט ס׳איז.

... אװעק שנעל און די םאװיעטישע מיליץ האט יעדן פארהאלטן. אונזער גרופע אבער האט זיך באװעגט לאנגזאם און מיר זענען אנגעקומען די לעצטע, אזוי׳ אז די גאנצע מיליץ איז שוין געהאט אװעק און מיר זענען נישט ארײנגעפאלן. װען מיר זענען אנגעקומען אין שטעטל, האבן ײדן אונדז געעצהט גישט צו גײן בײגאכט צו דער באן־סטאציע, װײל עס איז א מהלך פון 15 קילאמעטער און באנדיטן לויערן אויף די װעגץ. אײן ײד האט אונדז פארבעטן צו זיך אין שטוב ארײן איבערצונעכטיקן. צומארגנם האבן מיר שפאצירט אין מארק װו די טורמע איז געװען. אלע יװאס זענען בײנאכט אריבער, זענען געװען פארשפארט אין תפיםה אויף 24 שעה. אזוי איז געװען די פראצעדור. מיר האבן זיך געזען דורך די פענצטער. וװ זײ האבן ארונטערגעקוקט צו אונדז. מיר זענען אװעק צו דער באן און אויף צו מארגנס זענען מיר שוין געװען אין לעמבערג.